អំពីយើង

តើឈ្មោះម៉ាក់ស៊ីម៉ាមានន័យដូចម្តេច?

ពាក្យម៉ាក់ស៊ីម៉ាគឺជាពហុនាមនៃពាក្យអតិបរមា។ គោលបំណងនៃពាក្យម៉ាក់ស៊ីម៉ាគឺដើម្បីផ្តល់នូវអត្ថប្រយោជន៍ជាអតិបរមាទៅកាន់អតិថិជន បុគ្គលិក និងអ្នកជាប់ពាក់ព័ន្ធដ៏ទៃទៀត។ ម៉ាក់ស៊ីម៉ាបានវិវត្តន៍ខ្លួនជាច្រើនឆ្នាំទៅជាអ្នកផ្តល់សេវាកម្មមីក្រូហិរញ្ញវត្ថុ ជាមួយនិងកេរ្តិ៍ឈ្មោះនៃការរួមគ្នាធ្វើការនិងក្នុងការទទួលខុសត្រូវ ឆ្ពោះទៅកាន់អតិថិជន។ ថ្នាក់គ្រប់គ្រងជាន់ខ្ពស់របស់ម៉ាក់ស៊ីម៉ា មិនត្រឹមតែជឿជាក់ក្នុងការផ្តល់នូវគុណភាពខ្ពស់នៃផលិតផលនិងសេវាកម្មល្អប្រសើរទៅកាន់អតិថិជនរបស់ខ្លួនប៉ុណ្ណោះទេ ថែមទាំងផ្តល់នូវមជ្ឈដ្ឋានការងារដល់បុគ្គលិកដែលមានភាពទាក់ទាញជាលក្ខណៈផ្ទាល់ខ្លួននិងការអភិវឌ្ឍក្រុមហ៊ុន។ ម៉ាក់ស៊ីម៉ា គឺជាគ្រឹះស្ថានមានការទទួលខុសត្រូវទាំងផ្នែកសង្គមនិងបរិស្ថាន ជាមួយនិងការផ្តល់តម្លៃក្រមសីលធម៌និងធ្វើការស្របទៅតាមគោលការណ៍ការពារអតិថិជន។

កម្ពស់ជាអតិបរមា: បុគ្គលិកម៉ាក់ស៊ីម៉ាមានបំណងឈានទៅដល់សក្តានុពលជាអតិបរមា ដោយផ្តល់នូវសេវាកម្មល្អប្រសើរទៅកាន់ប្រជាជនដែលមានចំណូលទាបនៅក្នុងប្រទេសកម្ពុជា។ ក្នុងដំណើរការនេះដែរ ពួកគាត់មានមោទនភាព ចូលចិត្ត និងពេញចិត្ត ដែលធ្វើការនៅតំបន់ប្រតិបត្តិការដោយក្តីរីករាយ។ បុគ្គលិកម៉ាក់ស៊ីម៉ា ចូលចិត្តរីករាយ នៅពេលពួកគាត់រក្សានូវភាពរីករាយនិងពេញចិត្តរបស់អតិថិជន។